Өзбекстанда автонесиенің орташа жылдық мөлшерлемесі 24,1%-ға жетті.
Көршілес елдің Орталық банкі коммерциялық банктердегі микрокредиттердің орташа жылдық мөлшерлемесі 33,7%-ға жеткенін хабарлады.
Автонесиелер арасында ең тиімді шарттарды Garant Bank ұсынып отыр. Мұнда жылдық 16%, одан кейін «Ипотека банк» (19,8%) және InFinBank (20,5%) тұр.
Ең жоғары мөлшерлемелер SQB (27%), Hamkor Bank (27,5%) және Madad Invest Bank (27,9%) банктерінде тіркелген.
Микрокредиттер сегментінде ең төменгі мөлшерлеме «Алокабанк» пен b Trust Bank-те, онда жылдық 25,8%, ал InFinBank 26% көрсетеді.
Ең жоғары мөлшерлемелер TBC Bank-те, онда жылдық мөлшерлеме 42,8%, Anor Bank-та 40,9% және Apex Bank-та 39,9% деңгейінде белгіленген.
Орталық банк есептеулерде тек нарықтық жағдайларды ғана емес, сонымен бірге бизнесті қолдау үшін жеңілдетілген бағдарламалар бойынша кредиттерді және кейбір экономикалық салаларды қолдауға арналған арнайы шарттарды да ескергенін нақтылады.
Орташа алғанда, жеке тұлғаларға арналған кредиттердің мөлшерлемесі (микрокредиттерді қоспағанда) 23,5%, ал заңды тұлғаларға 22,7% құрады.
Айта кетейік Cobalt, Damas, Tracker, Haval, BYD көліктері Өзбекстанда көптеп шығарыла бастады. Маусым айындағы мәліметке сүйенсек, бес ай ішінде 153,8 мың жеңіл көлік нарыққа түскен.
