Freedom Superapp пайдаланушылары Freedom Media платформасы арқылы тікелей банктік қосымша арқылы сериал, спорт және теледидар көре алады.
Бұл туралы Freedom Holding Corp. негізгі акционері әрі басшысы Тимур Турлов Фейсбук парақшасында жазды.
«Біздің Freedom Media медиаплатформамыз SuperApp қосымшасынан ашылады. Суперап экожүйесіне толыққанды стримингтік сервисті қосу бізге дейін әлемде ешкім істемеген іс болар. Бұл өте қиын жұмыс, бірақ біздің команда экожүйенің мақсаты осы, яғни сапалы контент пен көңіл көтеру деп түсіндік. Енді 3 миллионнан астам SuperАpp қолданушылары біздің түпнұсқа сериалдарымызға, телехабарларға, спорттық шараларға, соның ішінде әлемдегі ең жақсы футбол лигалары мен Формула 1-ге қол жеткізе алады», — деп жазды Турлов.
Оның айтуынша, контенттің шамамен 70%-ы қазақ тілінде болады, ал басты назар ұлттық медиа платформаны дамытуға және жергілікті режиссерлерді, продюсерлерді және креативті индустрияны қолдауға аударылады.
Тимур Турлов, сонымен қатар, компания жобаға бес жыл ішінде шамамен 50 млн доллар инвестиция салатынын атап өтті. Әлемдегі ең ірі студиялармен — Paramount, Sony, Disney, Warner, NBC Universal-мен ынтымақтастық аясында пайдаланушылар лицензияланған фильмдер мен сериалдарға қол жеткізе алады.
Кейбір қазақстандық жобалар шетелге шықты. «Мұнай» және «Қорқынышты қазақ ертегілері» сериалдары Латын Америкасына сатылып, отандық контент экспортының алғашқы үлгісі болды.
Жаңа пайдаланушылар үшін 5 теңгеге 90 күнге жазылу қарастырылған, содан кейін ол айына 1250 теңге тұрады.
«Біздің командамызда Тимур Баиров пен оның шәкірттері – Әлішер Өтев, Қуаныш Бейсек, Айсұлтан Сейітов, Ораз Керейбаев, Шах-Мұрат Ордабаев бастаған адамдар – нарықта бәсекеге қабілетті өнім жасауға қабілетті адамдар бар. Сонымен қатар, балалар Instagram да өз аккаунттарын дамытады @fmedia.kz», – деді Турлов.
Бұған дейін Тимур Турлов Freedom Superapp-ты Қазақстандағы ең жылдам дамып келе жатқан қосымша деп атаған болатын. Өткен жылы ол қазақстандық AppStore-да ең көп жүктелген топ-3-ке кірді.
