Bloomberg агенттігінің журналисі Марк Гурман Apple компаниясы iPhone желісін ауқымды жаңартуға кіріскенін мәлімдеді. Бұл өзгерістер құрылғыларға да, олардың шығу цикліне де қатысты.
Компания алдағы үш жыл ішінде мүлде жаңа үш модельді ұсынуды жоспарлап отыр. Атап айтқанда, алғашқы бүктелетін iPhone мен 2027 жылы шығатын, экраны иілген және камерасы дисплей астына жасырылған жаңа флагман жайлы сөз болып отыр.
Жаңарту процесі 2025 жылдың күзіне жоспарланған iPhone Air және жаңартылған iPhone 17 Pro модельдерінен басталды.
2026 жылдан бастап Apple компаниясы келесідей жаңалықтар ұсынады:
- 2026 жылдың күзі: iPhone 18 Pro, iPhone 18 Pro Max және бүктелетін iPhone;
- 2027 жылдың көктемі: iPhone 18, iPhone 18e және жаңартылған iPhone Air.
Бұдан былай жыл сайын 5–6 жаңа модель шығару жоспарланып отыр. Бұл тәсіл әзірлеушілер, маркетинг және жеткізушілерге түсетін жүктемені азайтуға, сондай-ақ табысты маусымдарға тең бөлуге мүмкіндік береді.
Гурманның пікірінше, екінші iPhone Air кешіктірілген жоқ, оған сатылымының төмендігі себеп болмаған. Apple бұл модель үшін бастапқыда жыл сайынғы жаңарту циклын жоспарламаған. Басты жаңалық 2-нм чипке көшу, ол құрылғының автономдығын жақсартады деп күтілуде.
Компания iPhone Air үлесі сатылымның 6–8% көлемін құрайды деп болжаған, бұл бұған дейін Plus моделі иеленген нарық үлесіне сәйкес келеді. Қыркүйектегі таныстырылымда жиі аталғанына қарамастан, кейін Apple бұл құрылғыны белсенді жарнамаламады. Air моделі технологиялық эксперимент ретінде және бүктелетін iPhone-ға жол ашатын өткелі модель ретінде жасалған.
Еске салайық, 28 қазанда Apple компаниясының нарықтағы капиталы алғаш рет 4 трлн доллардан асты. iPhone саудасы қызып тұрған шақта компания үшінші ірі технологиялық компанияға айналды.
