Америкалық рэпер P. Diddy (Шон Комбс) Tupac Shakur-дың өліміне қатысы барын жеке әңгіме барысында мойындады.
New York Post басылымының мәліметінше, Нью-Йоркте Стив Отис есімді азамат тарапынан даулы іс қозғалған. Құжатта Шон Комбстың мойындағаны, алаяқтықпен немесе қорқытып айтып, арыз иесіне қауіп төндіргені айтылады.
Іс материалдарына қарағанда, 2012 жылы Отис ер адамдарға арналған эскорт қызметінде жұмыс істеген. Қала орталығындағы қонақүй бөлмесінде есірткі қолданғаннан кейін, Комбс өзін зорлағанын, өлтіремін деп қорқытқанын айтқан.
«Бұл туралы ешкімге айтпа. Мен әзілдеспеймін. Егер мен Tupac-қа зиян келтіре алсам, саған не болуы мүмкін екенін ойлап көр», – деп көрсетілген істе Комбстың болжамды сөздері.
Отис мәлімдегендей, осы оқиғадан кейін рэпер 1996 жылы Tupac Shakur-дың өліміне ықтимал қатысы барын бірнеше рет меңзеген.
Еске сала кетейік, Пи Дидди 2024 жылы қыркүйек айында адам саудасы бойынша айыпталып қамауға алынған еді.
Ал 2025 жылдың 2 шілдесінде Нью-Йорк федералды соты америкалық музыкалық магнат, продюсер әрі рэпер Шон Комбсты (лақап аты Пи Дидди) жезөкшелікке тарту мақсатында адам тасымалдау бабымен кінәлі деп тапты.
Содан кейін бұқаралық ақпарат құралдарында P. Diddy-ге түрмеде шабуыл жасалмақ болғаны да хабарланған.
