Қай облыстарда шілде айында құрғақшылық күтіледі

Шілде айында Қазақстанның қай өңірлері құрғақшылыққа тап болуы мүмкін екенін «Қазгидромет» жария етті.

Түпкілікті болжамға сәйкес, бірқалыпты құрғақшылық мына аймақтарда күтіледі:

• Абай облысында – Абай, Бесқарағай, Бородулиха, Жарма, Үржар, Мақаншы аудандары;
• Алматы облысында – Балқаш, Іле және Жамбыл аудандары;
• Жетісу облысында – Қаратал, Алакөл және Панфилов аудандары;
• Жамбыл облысында – Мойынқұм, Қордай, Рысқұлов, Сарысу және Талас аудандары;
• Түркістан облысында – Түркістан қаласы, Арыс, Қазығұрт, Ордабасы, Жетісай аудандары;
• Қызылорда облысында – Қызылорда қаласы, Қазалы, Қармақшы аудандары;
• Павлодар облысында – Ертіс, Успен, Шарбақты, Май және Баянауыл аудандары;
• Қарағанды облысында – Ақтоғай, Қарқаралы және Шет аудандары;
• Шығыс Қазақстан облысында – Шемонаиха, Күршім және Тарбағатай аудандары.

Бірқалыпты ылғалды жағдайлар мына аймақтарда болжанады:

• Солтүстік Қазақстан облысында – Жамбыл және Тимирязев аудандары;
• Қостанай облысында – Ұзынкөл, Қарабалық, Бейімбет Майлин, Жітіқара және Қамысты аудандары;
• Ақтөбе облысында – Алға, Мәртөк, Қарғалы аудандары.

Шілде айында Ақтөбе қаласында, сондай-ақ осы өңірдің Ойыл және Хромтау аудандарының кейбір жерлерінде өте ылғалды болады.

Синоптиктер Ақмола, Батыс Қазақстан, Атырау, Маңғыстау және Ұлытау облыстарында ылғалдылық жағдайын нормаға жуық деп болжайды.