Шымкентте полиция қонақүй кешендерінің бірінде есірткінің заңсыз айналымына қатысы бар деген күдікпен 36 жастағы ер адамды ұстады. Ол Астана қаласының тұрғыны, белгілі асаба Сабыржан Түзелбаев болып шықты, деп хабарлайды Kursiv.LifeStyle.
Полиция мәліметінше, тінту кезінде қонақүй бөлмесінен ақ түсті ұнтақ тәрізді зат салынған пакет пен өсімдік тектес зат табылып, тәркіленген. Ұстау кезінде ер адамның жанында алдын ала мәлімет бойынша интимдік қызмет көрсететін әйел болған.
Күдікті тәркіленген заттардың мефедрон және «мак» екенін айтып, оларды жеке қолдану үшін сатып алғанын мәлімдеген.
Қазір заттардың нақты құрамы мен мөлшері сараптама арқылы анықталып жатыр. Аталған дерек бойынша сотқа дейінгі тергеу басталды.
Тергеу мүддесіне байланысты өзге ақпарат жарияланбады.
Айта кетейік, осыған дейін Хан тамада атымен белгілі маңғыстаулық асаба 10 тәулікке қамалған еді.
