Зейнетақы жинағын басқарушылар: қай компанияның комиссиясы ең төмен
Қазақстанда жеке басқарушы компаниялар басқаратын зейнетақы активтерінің табыстылығы Ұлттық банктің көрсеткішінен айтарлықтай жоғары. 2026 жылғы 1 қыркүйектегі мәлімет бойынша, жыл басынан ең жоғары табыстылықты «Сентрас Секьюритиз» көрсетті – 12,18%. Екінші орында Halyk Finance – 9,06%, одан кейін Alatau City Invest 8,25 пайызбен тұр.
BCC Invest жыл басынан бері 8,09%, Halyk Global Markets 7,55% табыс әкелген. Ал зейнетақы активтерінің негізгі бөлігін басқаратын Ұлттық банктің кірістілігі небәрі 4,2% болды. Яғни үздік жеке басқарушының нәтижесі Ұлттық банктен шамамен үш есе жоғары.
Tansar Capital көрсеткішін басқа компаниялармен тікелей салыстыруға болмайды. Компания зейнетақы активтерін басқаруды тек 2026 жылғы 8 сәуірде бастаған. Содан бергі табыстылығы 2,43%-ды құрады.
Зейнетақы жинағын кім тиімді басқарып жүр?
2026 жылдың қаңтар–тамызындағы табыстылық. Соңғы ай — 2026 жылғы тамыз.
Табыстылық жоғары болғанымен, комиссияны да ескеру керек
Басқарушыны таңдағанда тек табыстылыққа қарау жеткіліксіз. Компаниялар инвестициялық табыстан комиссия алады және оның мөлшері айтарлықтай ерекшеленеді.
Мәселен, «Сентрас Секьюритизде» комиссия небәрі – 1%. Halyk Finance пен Alatau City Invest 5%-дан алады, ал BCC Invest пен Tansar Capital-дың комиссиясы 6%-ды құрайды. Сондықтан бірдей табыстылық жағдайында комиссиясы төмен компания салымшы үшін тиімдірек болуы мүмкін.
Бұл комиссия зейнетақы жинағының бүкіл сомасынан емес, инвестициялық қызмет нәтижесінде алынған табыстан есептеледі.
