Астаналықтар Республика күніне орай мерекелік концерттерді тамашалай алады. Елорданың алты ауданындағы 12 алаңда қазақстандық әншілер мен музыкалық ұжымдар өнер көрсетеді. Мерекелік концерттерге кіру тегін, деп хабарлайды Kursiv.media.
Әкімдіктің мәліметінше, мерекелік бағдарламаның мақсаты – ұлттық құндылықтарды дәріптеу, ел бірлігін нығайту және қала тұрғындары мен қонақтарына мерекелік көңіл күй сыйлау.
Концерттер қайда және сағат нешеде өтеді
Алматы ауданы
Сағат 12:00-де «Железнодорожный» тұрғын алабында концерт басталады. Сахнаға Лұқпан Жолдасов, Меруерт Бақыт, Ералы Қанжығалы, «Алтын» триосы, «Айша бибі» дуэті және «DiEra» триосы шығады.
Сағат 15:00-де «Жастар» саябағында Дидар Мансұр, «Айлин» триосы, Медет Шайкелов, «Астана» тобы, Парасат Отан және «Алтын» триосы өнер көрсетеді.
Байқоңыр ауданы
Сағат 12:00-де «Өндіріс» тұрғын алабында Фарида Жолдасова, Бауыржан Исаев, Мадина Исламова, Әкімхан мен Ақбота, Даниял Ахметов және «Айлин» триосының қатысуымен концерт өтеді.
Сағат 15:00-де «Ататүрік» саябағында Мадина Исламова, Аян Жаймағамбетов, «Айша бибі» дуэті, DOS, «Алтын» триосы және Мәди Қадыров өнер көрсетеді.
Есіл ауданы
Сағат 15:00-де «Бағыстан» тұрғын алабында мерекелік концерт ұйымдастырылады. Көрермендер алдында Алтыншаш Мұқатаева, Фарида Жолдасова, Бауыржан Исаев, «DiEra» триосы, «Белес» дуэті және «Айлин» триосы өнер көрсетеді.
Нұра ауданы
Сағат 12:00-де «Үркер» тұрғын алабындағы «Айғыржал» скверінде Тұрар Төлеутай, Айгүл Иманбаева, Дидар Әбдіхалық, «Жарық» дуэті, Аян Жаймағамбетов және «Qazaq Voice» триосы өнер көрсетеді.
Сағат 15:00-де «Жағалау» тұрғын алабында концерт өтеді. Бағдарламаға Нұрбол Балапанов, Медет Салықов пен Клара Төленбаева дуэті, «Еркем» триосы, Тұрар Төлеутай, Меруерт Бақыт және Аян Жаймағамбетов қатысады.
Сарайшық ауданы
Сағат 12:00-де «Промышленный» тұрғын алабында Медет Салықов пен Клара Төленбаева дуэті, Алтыншаш Мұқатаева, Нұрбол Балапанов, «DiEra» триосы, Ералы Қанжығалы және «Алтын» триосы өнер көрсетеді.
Сағат 15:00-де «Отау» шағынауданында Даниял Ахметов, Айгүл Иманбаева, Әкімхан мен Ақбота, «Qazaq Voice» триосы, Дидар Әбдіхалық және «Жарық» дуэті сахнаға шығады.
Сарыарқа ауданы
Сағат 12:00-де «Көктал-1» тұрғын алабындағы «Наз» мемлекеттік би театрының алаңында концерт өтеді. Онда Аян Жаймағамбетов, Зарина Омарова, Парасат Отан, «Еркем» триосы, Тұрар Төлеутай және «Астана» тобы өнер көрсетеді.
Осы уақытта «Көктал-2» тұрғын алабындағы «Қорғалжын» скверінде де мерекелік бағдарлама өтеді. Көрермендер алдында Мәди Қадыров, Медет Шайкелов, Дидар Мансұр, Бауыржан Исаев, «Айлин» триосы және «Белес» дуэті өнер көрсетеді.
Сағат 15:00-де Қалалық алаңда DOS, Лұқпан Жолдасов, Зарина Омарова, Ералы Қанжығалы, «DiEra» триосы және Тұрар Төлеутай концерт қояды.
Тағы да оқыңыз: Республика күніне орай қазақстандықтар неше күн демалады
