Жеке тұлғалар арасындағы салықтар бойынша Қарағанды облысында емес, сондай-ақ бүкіл Қазақстандағы 65 миллион сомасындағы ең үлкен қарыз Асқар Нәбиевке тиесілі екен, оның ішіндегі 28 миллион теңгесі – айыппұлдар, деп хабарлайды Kursiv.kz тілшісі.
Нәбиев Қарағанды облысы, Бұқар Жырау ауданы әкімдігінде бас маман болып қызмет етеді.
«Осыдан бірнеше жыл бұрын ол жер учаскесін (аумағы37 га – «Курсив») сатып алған. Қаланың әкімшілік шекарасы кеңейтілгеннен кейін, салықтық ставка күрт өскен. Қазір қарыз мәжбүрлеп қайтарылуда – шендінің еңбекақысының бір бөлігі берешекті өтеуге ұсталынуда. Бұдан бөлек, сатылымға борышкердің меншігіндегі екі автокөлік пен жер учаскесінің өзі шығарылған. Бірақ бұлардың соңғысын сату мүмкін болмады: екі ретте де сатып алушылардың болмауы салдарынан, аукцион өткізілмей қалды», – деп хабарлады «Курсивке» Қарағанды облысы Мелекеттір кірістер департаменті(МКД) өндірістік емес төлемдер басқармасы жеке тұлғаларды әкімшіліктендіру және жалпы декларациялау бөлімінің бас маманы Гүлнар Бекенова.
МКД мәліметтері бойынша, 22 мыңнан астам жеке тұлғаларға салық рақымшылығы жасалыпты, ал борышкерелер тізімінде барлығы 88,7 адам бар екен.
«2019 жылғы бірінші қарашшаға дейін 22,1 мың жеке тұлға 173,9 млн теңге сомасындағы салық қарыздарын өтеді. Соның нәтижесінде, олардың мойнындағы 66,8 млн теңге сомасындағы айыппұлдардың күші жойылды. Барлығы 88,7 мың салық төлеушінің өтелмеген борышының сомасы 1 млрд теңгені құрайды, оның ішінде, 332,2 млн – айыппұл», – деді сөзін нақтылаған мемкірістер департаментінің қызметкері.
Сонымен қатар, жеке кәсіпкер болып табылмайтын 57 жеке тұлғаның 15 жыл бұрын кәсіпкерлік қызметке қатысы болған 974 мың тенге қарызы анықтлған, олардың 400 мың теңгесі – айыппұлдар, салық рақымшылығы аясында солардың күші жойылыпты.
«Не салық төлеуші дұрыс есеп бермеген, не бір жүйеден екінші жүйеге көшкенде қате жіберілген», – деді жағдайды түсіндірген Бекенова.
Естеріңізге салсақ, жеке тұлғалар үшін Қазақстандағы салық рақымшылығы 2019 жылғы 16-маусымда басталған болатын. Жеке тұлғалар үшін айыппұлдардың күшін жоюдың жалғыз шарты мүлік, жер және көлік салығының негізгі қарызын өтеу болып табылады. Рақымшылық 2019 жылғы 31-желтоқсанға дейін созылады.
