2019 жылғы 27-желтоқсанда «Бек Эйр» авиакомпаниясы Fokker-100 ұшағының Алматы маңында апатқа ұшырауына не себеп болғанын тексеруге бірнеше ай немесе бір жылдан астам уақыт кетуі мүмкін, деп хабарлады Мемлекетаралық авиация комитетінің бас директоры Виктор Сороченко.
«Барлық күш-жігерге және жұмыс режиміне қарамастан, әлемдік тәжірибе мұндай авиациалық оқиғаларды зерттеуге бірнеше ай, ол аз болса, бір жылдан астам уақыт кететінін көрсетіп отыр. Негізінен мерзім тексеру барысында жүргізілетін зерттеулердің тереңдігі мен көлеміне байланысты. Бұл жерде назарға таза процедуралық факторларды да алған жөн», – деді ол 10-қаңтарда ҚР президенті жанындағы орталық коммуникациялар қызметінде, «Бек Эйр» авиакомпаниясы Fokker-100 ұшағының апатқа ұшырауын тексерудің алдын ала нәтижелерін жариялай отырып.
Сороченко тексеруге дайындаушы мемлекет пен әуе кемесін жасаушы мемлекет – Нидерландының өкілетті өкілі және кеңесшілері қатысып жатқанын атап өтті. Тексеруді аяқтау кезеңінде түпкілікті есептің жобасын комиссия Нидерландыға жібереді.
«Дайындаушы 60 тәулік ішіндеесеп жобасын қарастырады және өзінің түсініктемелерін береді. Ары қарай сол түсініктемлерді келісу немесе оларды қабылдамау процедуралары жүзеге асырылады. Осылай, тексерудің ақырғы нәтижесін осындай уақыт факторларын ескере отырып керек», – деді сөзін қорытындылаған ол.
