Қытайда коронавирустың жаңа түрін 70 548 адам жұқтырған. Бұл турасында Синьхуа агенттігі хабарлайды.
ҚХР-дың Денсаулық істері жөніндегі мемлекеттік комитетінің мәліметтері бойынша, пневмониядан 1 770 адам қайтыс болған.
Жексенбідегі жағдай бойынша, Қытайда коронавирустың жаңа түрінен айыққан, барлығы 10 844 пациент ауруханалардан шығарылды. Атап айтқанда, жексенбіде дерттен сауыққан 1 425 пациент госпитальдардан үйлеріне қайтқан.
Бұдан бұрын, Қазақстанда Білім және ғылым министрлігінің құрамындағы ғылыми орталықтар коронавирустың жаңа тұрпатына қарсы вакцина дайындауға дайын екендіктері туралы мәлімдеген болатын-ды.
