Зейнетақы салымшылардың инвестициялық табысы – 543,2 млрд теңгені құрады
2020 жылдың 1 шілдесіне қарасты салымшылар мен алушылардың шоттарына есептелген таза инвестициялық табыс сомасы – 543,2 млрд теңгені құрады. Бұл туралы «БЖЗҚ»АҚ-ның ресми телеграм каналы хабарлады.
Инвестициялық табыс туралы тағы не білу керек?
Инвестициялық табыс күн сайын салымшылардың жеке зейнетақы шоттарына есептеледі. Сондықтан салымшылардың шоттарындағы зейнетақы жинақтарының жалпы сомасы да өзгеріп отырады.
Инвестициялық табыс қаржы құралдарының нарықтық құнына, валюта бағамына және басқа да жағдайларға байланысты. Сондықтан инвестициялық табыс ұлғаю жағына да, азаю жағына да өзгеруі мүмкін.
Зейнетақы активтерін инвестициялау ұзақ уақыт аралығында (бір жыл және одан да көп) жүзеге асырылады, сондықтан олардың кірістілігін ұзақ мерзімді перспективада бағалау қажет.
