Емханалардағы қабылдаудан бастап, күрделі операцияларға дейін міндетті медициналық сақтандыру жүйесі бойынша жүргізіледі, деп хабарлайды әкімдіктің ресми сайты.
Қазақстанда медициналық көмек міндетті әлеуметтік медициналық сақтандыру жүйесі және тегін медициналық көмектің кепілдік берілген көлемі шеңберінде көрсетіледі.
Сақтандырылған қазақстандықтарға емханаларда емделу, дәрігерлер қабылдауы, зертханалық қызметтер, диагностика, сондай-ақ дәрі-дәрмектер қолжетімді. МӘМС есебінен пациенттер ауруханаларда жоспарлы түрде де, күндізгі стационарлар режимінде де емделе алады.
«Бұдан басқа, міндетті медициналық сақтандыру жүйесіне қатысушылар үшін жоғары технологиялық медициналық қызметтер, яғни күрделі бірегей операциялар қолжетімді. Сондай – ақ паллиативтік көмек көрсетіледі – емделмейтін, өмірге қауіп төндіретін және ауыр өтетін аурулары бар пациенттердің өмір сүру сапасын барынша қолайлы деңгейде ұстау», – деді № 4 қалалық емхананың мейірбике ісінің менеджері Жанар Назарова.
Бұдан басқа, медициналық сақтандыру жүйесі бойынша сырқатынан кейін тұрақты бөгде адамның күтіміне немесе қарауына мұқтаж науқастрға мейіргерлік күтім көрсетіледі.
Әлеуметтік медициналық сақтандыру жүйесіне қатысу үшін міндетті медициналық сақтандыру қорына (ӘМСҚ) аударымдар түсіп тұруы қажет. Оны не жұмыс беруші, не дербес төлеушілер төлейді. Осылайша, 2020 жылғы 1 қаңтардан бастап жұмыс берушілер әрбір қызметкердің табысынан 2% -ын, ЖК – 1,4 ЕТЖ-ның 5%-ын, азаматтық-құқықтық шарттар бойынша жұмыс істейтін адамдар – табысының 1% -ын, қызметкерлер-табысының 1% – ын, дербес төлеушілер-1 ЕТЖ-ның 5% – ын МӘС-ке аударуы тиіс.
Сақтандыру аударымдары мен жарналары табыстың мынадай түрлерінен төленбейді: қызметтік іссапарлар және жұмыстың жүріп-тұру сипаты кезіндегі өтемақылар; қызметкерлердің далалық жабдықталымы; бюджет қаражатынан қызметкерлерді оқытуға ақы төлеуге, жәрдемақылар мен өтемақыларға жеткізуге байланысты шығыстар; сауықтыруға арналған демалысқа арналған жәрдемақы, медициналық қызметтерге ақы төлеу үшін, бала туған кезде, жерлеуге арналған төлемдер 8 ең төменгі жалақы (ЕТЖ) шегінде; Стипендиялар; сақтандыру сыйлықақылары.
«Жұмыс беруші сондай-ақ азаматтардың әлеуметтік осал топтарына жататын жұмыскерлер үшін, әскери қызметшілер, арнаулы мемлекеттік органдардың қызметкерлері және құқық қорғау органдарының қызметкерлері үшін төлемдерден босатылады», – деп толықтырды Жанар Назарова.
Мемлекет тарапынан ӘМСҚ-ға жарна төлейтін азаматтар санаты бар. Атап айтқанда, оларға: жұмыспен қамту орталықтарында тіркелген жұмыссыз балалар, жұмыс істемейтін жүкті әйелдер; бала (балалар) үш жасқа толғанға дейін оны (оларды) тәрбиелеп отырған жұмыс істемейтін адам; жүктілікке және босануға, жаңа туған баланы (балаларды) асырап алуға байланысты, бала (балалар) үш жасқа толғанға дейін оның (олардың) күтіміне байланысты демалыста жүрген адамдар; мүгедек баланы (балаларды) күтіп-бағуды жүзеге асыратын жұмыс істемейтін адамдар жатады; бала кезінен бірінші топтағы мүгедекке күтімді жүзеге асыратын жұмыс істемейтін адамдар; зейнетақы төлемдерін алушылар, оның ішінде Ұлы Отан соғысының қатысушылары мен мүгедектері; қылмыстық-атқару (пенитенциарлық) жүйесі мекемелерінде (қауіпсіздігі барынша төмен мекемелерді қоспағанда) сот үкімі бойынша жазасын өтеп жүрген адамдар; тергеу изоляторларындағы адамдар; жұмыс істемейтін оралмандар; «Алтын алқа», «Күміс алқа» алқаларымен наградталған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен наградталған көп балалы аналар; орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алып жатқан адамдар; мемлекеттік атаулы әлеуметтік көмекті жұмыс істемей алушылар.
МӘМС аясында қызмет көрсету бойынша барлық сұрақтар мен шағымдарды 1406 тегін нөмірі бойынша әлеуметтік медициналық сақтандыру қорының call-орталығына жіберуге болады.
