Қарағанды облысында екі жаңа гемодиализ орталығы ашылды
Бұрын созылмалы бүйрек жеткіліксіздігімен ауыратын науқастар емделу үшін көп уақытты, күш пен ресурстарды жұмсауға мәжбүр болатын. Оларға бұған дейін Қарағанды қаласында қызмет көрсетіліп келген.
Алайда, бұл мәселе іс жүзінде шешімін тапты.Бұл туралы ҚР Денсаулық сақтау министрлігінің Telegram каналы хабарлады.
Бүгінде Қарағанды облысы, Абай ауданы Топар және Осакаровка елді мекендеріндегі облыстық ауруханалардың базасында екі жаңа гемодиализ орталығы іске қосылды.
Жобалар мемлекеттік-жекеменшік серіктестік арқылы жүзеге асырылды. Тиісінше, пациенттер процедураны жақын маңдағы орталықтан алады.
Айта кету керек, Абай ауданында созылмалы бүйрек жеткіліксіздігімен 20 науқас тіркелген. Ал орталық күніне 15 адамды қабылдай алады.
Осакаров ауданында осы дертпен ауратын 10 адам тіркелген, ал орталық бір ауысымда 30 келушіге қызмет көрсете алады.
Осындай медициналық орталықтар қазірдің өзінде облыстың басқа аймақтарында жұмыс істейді. Бұған дейін олар Жаңаарқа өңірінде және Саран және Сәтпаев қалаларында ашылған болатын.
Жақын арада орталық Қарқаралыда ашылады.
Облыста барлығы 13 гемодиализ орталығы жұмыс істейді.
