Елбасы 100 мың отбасыға 50 мың теңгеден беруді тапсырды

«Нұр Отан» партиясының төрағасы Бауыржан Байбекті қабылдады.Кездесу барысында праймериздің нәтижелері талқыланды. Бұл туралы elbasy.kz сайты хабарлады.

Партия төрағасының бірінші орынбасарының ақпаратына сәйкес, партия мүшелерінің 84,2% -ы дауыс беруге қатысты, оның 88% -ы онлайн режимінде болды. Тіркелген 10 073 кандидаттың 36% -дан астамы әйелдер, 29% -ы 35 жасқа дейінгі жастар болды. Партиялық ішкі іріктеу нәтижесінде 20 мыңнан астам ұсыныстар жиналды, оның ішінде тұрғын үй қатынастары және тұрғын үй-коммуналдық шаруашылық, инфрақұрылым мен көлік, білім беру және денсаулық сақтау салаларында.

 «Бұл көптеген адамдар қатысқан ауқымды партиялық іс-шара болды. Біз оны бірінші рет өткіздік. Партияның назарын қажет ететін көптеген тілектер мен сұрақтар айтылды. «Нұр Отан» – бұл нақты істер партиясы. Біз қабылдағанның бәрі міндетті түрде жасалуы керек», – деді Елбасы.

Сонымен қатар, Қазақстанның Тұңғыш Президенті партияның сайлауалды бағдарламасының жобасына тоқталды.

 «Саяси кеңестің бюросында біз республикалық сайлауалды бағдарламаның жобасын талқыладық. Қиын жағдайды ескере отырып, бағдарламада біздің мақсатымыз бен ауқымды міндеттеріміз бар. Барлық партия мүшелері осыған бағытталатын болады, өйткені, сайып келгенде, мұның бәрі халықтың әл-ауқатына бағытталған. Біздің барлық сайлау алдындағы уәделеріміз есептелуі керек», – деді партия төрағасы.

Кездесу барысында Елбасы партияға «Біргеміз» қорымен бірлесе отырып, бүкіл ел бойынша тағы 100 мың әлеуметтік-осал отбасыларға 50 мың теңге қосымша мақсатты төлемдер ұйымдастыруды пысықтауды тапсырды.

«Партияның орталық аппараты және біздің белсенділер көп жұмыс жасады. Мен барлығына еңбекқорлығы үшін ризамын. Алда әлі көптеген нақты істер бар. Елдің игілігі үшін жұмысты жалғастыру маңызды»,- деп түйіндеді Қазақстанның Тұңғыш Президенті.