Алматы мәйітханасының директоры қамауға алынды

Сыбайлас жемқорлыққа қарсы қызмет Алматы қаласындағы «Қалалық патологиялық бюро» ШЖҚ МКК директорын ұстады, деп хабарлады департамент.

Шенеунік кәсіпкерден пара алды деп күдіктеледі. Тергеу мәліметтері бойынша, сотталушы салынып жатқан жаңа кеңсе ғимаратында медициналық техниканы қабылдау актілеріне қол қойғаны үшін 14 миллион теңге алған, деп хабарлады сыбайлас жемқорлыққа қарсы қызмет.

Күдіктіге қатысты екі ай мерзімге қамауға алу түріндегі бұлтартпау шарасы санкцияланды.

Естеріңізге сала кетейік, Қазақстанда 24 жемқор шенеунік екі аптаға бас бостандығынан айырылды.

Президент Қасым-Жомарт Тоқаев Сыбайлас жемқорлыққа қарсы іс-қимыл агенттігінің төрағасы Алик Шпекбаевпен кездесу барысында жемқор шенеуніктердің шартты түрде босатылуын жою және мемлекеттік қызметшілерге, депутаттар мен судьяларға шетелдік есепшоттар ұстауға тыйым салу туралы бұйрықтарды сапалы орындау қажеттілігіне тоқталды.