Жаңа жыл мерекесіне арналған әуе рейстерінің кестесі жарияланды. Бұл туралы ҚР Индустрия және инфрақұрылымдық даму министрлігінің баспасөз қызметі хабарлады.
ҚР ИИДМ 30 желтоқсан мен 5 қаңтар аралығындағы жаңа жылдық мерекелерге авиаұшулар кестесі туралы хабарлайды.
Халықаралық авиарейстер 19 бағыт бойынша 12 елге қатынайды. Барлығы 54 рейс жасалады: Біріккен Араб Әмірліктеріне – 16, Түркияға – 10, Өзбекстанға – 6, Беларусь пен Германияға – 4 рейстен, Мальдивке – 3, Оңтүстік Кореяға, Нидерландыға, Мысырға, РФ мен Қырғызстанға – 2 рейстен, Украинаға – 1.
Рейстердің ұшу уақыты мен күнін авиакомпаниялар мен әуежайлардың сайттарынан нақты білуге болады.
