Алматы қаласының өңірлік коммуникациялар қызметі алаңында өткен онлайн-брифинг барысында Алматы қаласы Туризм басқармасы басшысының орынбасары Марат Айнабеков туристік инфрақұрылымды дамыту бойынша қабылданып жатқан шаралар туралы айтып берді.Бұл туралы Алматы қаласы әкімдігінің Telegram каналы хабарлады.
Марат Айнабековтың айтуынша, Алматы қаласында туристер үшін ақпараттық терминалдармен жабдықтау үшін бірқатар шаралар қабылданған.
«10 локацияда ақпараттық терминалдар орналастырылады, олар қала қонақтарына Алматының көрікті жерлері туралы ақпаратты интерактивті түрде ұсынатын болады. Стендтерде туристер түрлі қиын жағдайларға тап болған жағдайда полиция қызметкерлерін, сондай-ақ жедел жәрдем қызметкерлерін шақыру батырмалары орналастырылады», — деді Марат Айнабеков.
Сонымен қатар, өткен жылы Алматының ең танымал жеті көрікті жерлерінің туристік автобустарына арналған тұрақ орындары ұйымдастырылды.
Тауға шығу туристердің танымал таңдауы болып қала береді. Көбінің алғаш рет келетінін ескере отырып, туристердің қауіпсіздігін қамтамасыз ету үшін ақпараттық-түсіндіру жұмыстары жүргізіледі.
«Апта сайын туристік хаб базасында (Балуан Шолақ атындағы Спорт сарайы аумағында) тегін негізде білім беру сұхбаттары өткізіледі», — деп түсіндірді Марат Айнабеков және қала тұрғындары мен қонақтарын тауға барар алдында осы білім беретін сұхбаттарға қатысуға шақырды.
