Мектеп формасын ата-аналардың өздері қабылдайды
Жарияланды
Оқушыларға еркін және ұқыпты киімде келуге рұқсат етілген
Мектеп формасына қатысты шешімді ата-аналардың өздері қабылдайды. Бұл туралы ҚР Білім және ғылым министрлігінің баспасөз қызметі хабарлады.
Оқушыларға мектепке міндетті мектеп формасында емес, еркін және ұқыпты киімде келуге рұқсат етілген.
«Оқу жылы басталғанға дейін Білім және ғылым министрлігі биылғы оқу жылында мектеп формасына қатысты шешімді ата-аналарға қабылдауға мүмкіндік беретін бұйрыққа қол қойған болатын. Бұл карантиндік шектеулер жағдайында ата-аналар мен оқушылардың ыңғайы үшін қабылданған шара», – деді Шолпан Каринова бүгін Орталық коммуникациялар қызметінде өткен брифингте.
Барлық қабылданған шешімдер ата-аналарға алдын-ала жеткізілуі керек.
