Билеттерді комиссиясыз сатып алу үшін «ҚТЖ билеттері» мобильді қосымшасын пайдаланыңыз

«Жолаушылар тасымалы» АҚ билеттерді онлайн сатып алу бойынша «ҚТЖ билеттері» ресми мобильді қосымшасы жаңартылғанын және PlayMarket арқылы Android құрылғысына жүктеу үшін қолжетімді екендігін хабарлайды. Бета-нұсқасының қолданушылары PlayMarket арқылы да өз қосымшаларын жаңарта алады. Бұл туралы ҚР индустрия және инфрақұрылымдық даму министрлігінің Telegram каналы хабарлады.

«ҚТЖ билеттері» қосымшасы арқылы сіз қажетті бағытта пойыздарды іздеу мүмкіндігін пайдалана отырып, сапарларыңызды авторизациясыз жоспарлай аласыз және бос орындардың бар-жоғын тексере аласыз. Сонымен қатар, авторизациядан кейін сіз билетті комиссиясыз сатып алып, төлей аласыз. «Жеке кабинетте» сізге бұрын сатып алынған барлық билеттер бойынша ақпарат ұсынылады.