ҚР Премьер-Министрі Асқар Маминнің төрағалығымен өткен Үкімет отырысында елдегі санитарлық-эпидемиологиялық жағдай қаралды. Денсаулық сақтау министрі Алексей Цой мен облыс әкімдері баяндама жасады.
Денсаулық сақтау министрінің мәліметінше, коронавирус инфекциясын қоспағанда, жұқпалы аурулар бойынша эпидемиологиялық жағдай жалпы республика бойынша тұрақты болып отыр. 64 инфекциялық ауру бойынша жүргізілген мониторинг 2020 жылдың қорытындысы бойынша 42 инфекция бойынша сырқаттанушылық төмендегенін көрсетеді. «Ағымдағы жылы адамдардың оба, тырысқақ, іш сүзегі, құтыру, туляремия, Конго-Қырым геморрагиялық қызбасы, дифтерия, сіреспе, қызамық, қызылша, сібір жарасы, безгек аурулары тіркелген жоқ. Өткен жылдың сәйкес кезеңімен салыстырғанда 45 жұқпалы ауру бойынша аурушаңдықтың төмендегені байқалды», — деді А. Цой. Сонымен қатар, Қазақстан аумағында обаның, туляремияның, геморрагиялық қызбаның, күйдіргінің және басқа да зоонозды инфекциялардың табиғи ошақтары бар. Алдағы эпидемиологиялық маусымға байланысты өңірлік әкімдіктер халықтың аса қауіпті инфекциялармен сырқаттанушылығының алдын алу шараларын уақтылы іске асыруы қажет.
Еліміздің оңтүстік өңірлері Конго-Қырым геморрагиялық қызбасымен (КҚГҚ) сырқаттанушылық бойынша эндемиялық болып қалуда. Денсаулық сақтау министрлігінің басшысы атап өткендей, КҚГҚ бойынша эпидемиялық маусымның басталуы қарсаңында өңірлер КҚГҚ халқының ауруларының алдын алу мәселесін мұқият пысықтауы, атап айтқанда, буферлік аймақтар құрып, елді мекендердегі мал және мал қораларына, жеке аулаларға, уақытша тұрақтарға, қораларға және айналадағы аумақтарға кенеге қарсы өңдеу жүргізу қажет. Қазақстанда ағымдағы эпидемиологиялық маусымда ЖРВИ және тұмаумен сырқаттанушылық өткен эпидемиологиялық маусыммен салыстырғанда 2,2 есеге төмендегені байқалады. ЖРВИ-мен сырқаттанушылықтың төмендеуі халықты, оның ішінде халықтың осал топтарын тұмауға қарсы вакцинациялаумен қамтумен, маскалық режимді, әлеуметтік ара қашықтықты сақтаумен, ұйымдасқан ұжымдарды бөлумен байланысты. Ағымдағы эпидемиологиялық маусымда тұмауға қарсы вакцинациямен қамтамасыз ету және вакциналардың жетіспеушілігін жою үшін Алексей Цой әкімдіктерге қазірдің өзінде тиісті контингентті вакцинациялаумен қамту үшін тұмауға қарсы вакцина сатып алуға қаржы бөлуді арттыруды ұсынды. Бұл бірыңғай дистрибьюторға болашақ эпидемиологиялық маусымға тұмауға қарсы вакцина көлемін алдын-ала қорландыруға мүмкіндік береді. Коронавирус инфекциясы бойынша эпидемиологиялық жағдай туралы айта келе, министр жалпы әлемде КВИ-мен сырқаттанушылықтың төмендеу үрдісі байқалғанын айтты. Осылайша, ДДСҰ-ның алты аймағының төртеуінде аурудың аздап төмендеу беталысы сақталуда, ал Шығыс Жерорта теңізі аймағында және Еуропада аурудың өсуі байқалады, осыған байланысты Италия, Болгария, Словакия, Германия, Эстония және басқа да бірқатар Еуропа елдерінде карантиндік шаралар күшейтілуде.
«Пандемия басталғаннан бері Қазақстанда COVID-19 оң нәтижесімен 225 685 науқас және КВИ- 49 817 жағдай тіркелді. Науқастардың 92%-ы сауығып кетті», — деді ол. Эпидемиологиялық жағдай матрицасына сәйкес Қазақстан соңғы үш күн бойы «сары» аймақта тұр. «Қызыл» аймақта 3 өңір: Нұр-Сұлтан және Алматы қалалары және Батыс Қазақстан облысы. «Сары» аймақта 4 өңір бар (Ақмола, Атырау, Алматы және Қарағанды облыстары). Қалған 10 өңір «жасыл» аймақта орналасқан. Денсаулық сақтау министрі ақпан айында қаңтар айымен салыстырғанда аурудың 30%-ға төмендегенін атап өтті. Наурызда сырқаттанушылықтың 1,2 есе төмендегені байқалады. Сонымен қатар, Алматы және Нұр-Сұлтан қалаларында, Алматы және Батыс Қазақстан облыстарында сырқаттанушылықтың өсуі байқалады. КВИ жағдайларының туындау себептерін талдау оның өздігінен жүгіну бойынша тексерілген адамдар арасында 45%-ға дейін, ауруды жұқтырғандармен байланыста болғандардың арасында 35%-ға дейін, профилактикалық мақсатта тексеруден өткен адамдардың арасында 20% деңгейінде анықталғанын көрсетеді. Оқытуды оффлайн режимде біртіндеп іске қосуды ескере отырып, оқушылардың сырқаттанушылығына күнделікті мониторинг жүргізіледі. «Оқушылар арасында жағдайларды тіркеу жалғасуда. Республика бойынша ауырғандардың жалпы саны 0,2%-дан аспайды.
Қазіргі уақытта карантиндік шаралар өңірлерде және жекелеген мектепте сырқаттанушылықты ескере отырып, сараланған түрде қолданылады. Білім беру объектілерін оффлайн режимде оқытуға дайындау мақсатында карантин режимі талаптарының сақталуы тұрғысынан 3 266 тексеру жүргізілді, оның барысында 282 мектепте немесе 8,6% бұзушылықтар анықталды. Қазіргі уақытта барлық анықталған бұзушылықтар жойылды», — деді А. Цой. ҚР ДСМ басшысының ақпараты бойынша, бүгінгі таңда 14 елмен әуе қатынасы қалпына келтірілді, рейстер саны аптасына 95 рейске дейін ұлғайтылды, ең көп келетін жолаушылар саны Нұр-Сұлтан және Алматы қалаларына тиесілі, 6 қазаннан бастап мемлекеттік шекараны 1 млн-нан астам адам кесіп өтті, тестіленгені – 203 мың, 1042 науқас анықталды. «Қыркүйек пен қаңтар аралығында ел аумағында таралатын КВИ вирустарын геномдық зерттеу нәтижелері бойынша коронавирустың («британдық», «оңтүстікафрикалық», «бразилиялық») жаңа штаммдары анықталған жоқ. Қазіргі уақытта мутациялардың бар-жоғын анықтау үшін ақпан-наурыз айларында анықталған оң үлгілерге генетикалық зерттеу жүргізілуде», — деді министр. «Сары» және «жасыл» аймақтарда тұрған өңірлерде карантин режимін барынша жеңілдету шаралары қабылданған. Осыған байланысты мониторинг топтарының жұмысы күшейтілді, алайда анықталған шектеу шараларын бұзушылықтардың саны азайған жоқ. Мәселен, ақпан айында қаңтармен салыстырғанда рейдтер саны 1,3 есеге артты, бұл ретте анықталған шектеу шараларын бұзушылықтардың үлес салмағы 3,6% құрады. Жеке тұлғаларға қатысты айыппұлдар саны 1,7 есеге артты. 1 ақпаннан бастап КВИ-ге қарсы вакцинациялау басталды. Вакцинациялауды жүргізу үшін бүгінде 347 егу пункті жұмыс істейді, 76 188 азамат егілді. До конца марта т.г. ожидается дополнительная поставка 180 000 доз вакцины со значительным увеличением объема поставок с апреля месяца. Ағымдағы жылдың наурыз айының соңына дейін сәуір айынан бастап жеткізу көлемін едәуір арттырумен 180 000 доза вакцина қосымша жеткізіледі деп күтілуде. «Сондай-ақ, сәуір айынан бастап халықтың осал топтары — созылмалы аурулары бар, 65 жастан асқан адамдарды және басқа да топтарын вакцинациялауды бастау жоспарлануда. Келіп түсетін вакцина көлемінің ай сайынғы ұлғаюын ескере отырып, аумақ әкімдері вакцинаны сақтау және тасымалдау шарттарын сақтай отырып, қосымша егу кабинеттерін ашуды қарастыруы қажет», — деді А. Цой. Вакцина өндірушілермен жүргізілген келіссөздерді ескере отырып, Қазақстанда ағымдағы жылы 12 млн-ға жуық вакцина дозасын қабылдау жоспарланып отыр. Денсаулық сақтау министрлігінің болжам жөніндегі жұмыс тобы міндетті маска режимін, әлеуметтік қашықтықты сақтауды және күтілетін вакцинацияны қоса алғанда, қолданыстағы шектеу шараларын сақтай отырып, 2021 жылдың соңына дейін эпидемиологиялық ахуалды дамыту болжамын жасады. Мәселен, оптимистік сценарий бойынша сәуір айында тәулігіне 500-ге жуық ауру тіркеледі деп күтілуде.
Пессимистік сценарийде күніне 1700 жағдайға дейін тіркелуі мүмкін. Бірінші кезеңде вакцинациялаудың әсері иммунитетті дамыту үшін қажетті уақытпен шектеледі. Кейіннен вакцинацияның әсері күшейіп, елдегі эпидемиологиялық жағдайдың тұрақтануына әсер етеді. Павлодар облысының әкімі Әбілқайыр Сқақов өткен аптада Павлодар облысында коронавирус инфекциясының 370 жағдайы тіркелгенін айтты, ол өткен 7 күнге қарағанда 29%-ға төмен. Расталған және ықтмал жағдайлардың репродуктивті көрсеткіші 0,820-ға дейін төмендеді. «Инфекциялық стационарларға жатқызылатын науқастардың саны азайғаны байқалады: олардың жүктемесі 38%-дан 26%-ға дейін төмендеді. Мобильді бригадаларды шақырту өткен аймен салыстырғанда 1,5 есеге азайды», — деді Ә. Сқақов. 20 ақпаннан бастап облыста «сары аймаққа» сәйкес шектеу шаралары қолданылды. Карантиндік шараларды сақтай отырып, кәсіпкерлердің көбі ашылды. Бүгін өңір «жасыл аймаққа» кірді. Өңірде 176 мониторингтік топ жұмыс істейді. Оқу жылының басынан бері оқушылар арасында 1425 КВИ жұқтыру жағдайы тіркелді, оның ішінде қашықтан оқығандар – 76%. Өз кезегінде, соңғы үш айда аурудың азаюы байқалуда: егер қаңтарда оқушылар арасында 460 КВИ жұқтыру жағдайы тіркелсе, ақпанда – 375, наурыздың 15 күнінде – 61 жағдай тіркелген. «Мектептерде індеттің алдын алу және оның таралуына жол бермеу үшін келесі шаралар қабылдануда: әрбір жаңа жағдай бойынша эпидемияға қарсы іс-шаралар жүргізу туралы қаулы шығарылады, сыныпта инфекция анықталған жағдайда ол қашықтан оқытуға ауыстырылады, қайталанған жағдайлар тіркелген болса бүкіл мектеп қашықтан оқытуға көшіріледі», — деді Павлодар облысының әкімі. Оқу жылының басынан бері мектептердің қызметін тоқтата тұру туралы 88 қаулы шығарылды және жалпы білім беру мекемелерінің басшыларына қатысты 12 әкімшілік материал жасалды. Жалпы, барлық қажетті шаралар қабылдануда, эпидемиологиялық жағдайды тұрақтандыру жөніндегі жұмыс ерекше бақылауда.
Дереккөз: https://primeminister.kz/kz/news/kazakstanda-koronavirustyn-zhana-shtammdary-anyktalgan-zhok-a-coy-1622036
Қолданылған материалдарға міндетті түрде primeminister.kz сайтына гиперсілтеме берілуі тиіс.
