Қазақстан Президенті демалысқа шілде айының ортасында шығуды жоспарлап отыр, деп хабарлады мемлекет басшысының баспасөз хатшысы Берік Уәли Sputnik.kz-тің ресми сауалына жауап ретінде.
«Мемлекет басшысы шілденің ортасында бір аптаға демалысқа шығуды жоспарлап отыр. Президент демалысын Қазақстан аумағында өткізеді. Өздеріңізге белгілі, өткен жылы індетке байланысты Қасым-Жомарт Кемелұлы демалған жоқ», – деді Уәли ресми сауалға берген жауабында.
«Қасым-Жомарт Тоқаев Қазақстан Республикасының Президенті қызметіне кіріскеннен бері 2019 жылдың шілдесінде екі жыл және үш айда үш рет қысқа мерзімді демалыс алғанын еске салғым келеді»- деді президенттің баспасөз хатшысы.
Өткен жазда Қасым-Жомарт Тоқаев үкімет мүшелері мен облыс әкімдеріне демалысты ұмытуға кеңес берді. Елде коронавирустық пандемия өршіп тұрды, ал шенеуніктерге жедел әрекет ету және жағдайдың одан әрі нашарлауына жол бермеу міндеті қойылды.
