Алматыдағы крематорийдің құрылысы 2021 жылдың соңына дейін аяқталады

Алматыдағы крематорийдің құрылысы 2021 жылдың соңына дейін аяқталады. Бұл туралы брифингте қаланың жайлы қалалық экология басқармасының басшысы Сапар Нұрашев мәлім етті, деп хабарлайды «ҚазАқпарат».

Сапар Нұрашев нысан құрылысы биылғы жылдың соңына дейін аяқталатынын айтты.

 «Біз бұл мекемені крематорий деп атамаймыз. Біз патологиялық бюроға тапсырыс бердік. Сіз крематорий деп отырған мекеме осы патология бюросының бір бөлімі. Функционалдық мақсаты – биологиялық және медициналық қалдықтарды кәдеге жарату», – деді басқарма басшысы.

Ол Чехиядан құрал-жабдық шығаратын компания өкілдері монтаждау жұмыстарын жүргізіп жатқанын айтты.

Мемлекеттік сатып алулар порталының хабарлауынша, Алматы билігі 2020 жылдың 21 желтоқсанында «Mega Build Kazakhstan» ЖШС-мен крематорий құрылысына 1,47 млрд теңгеге келісімшартқа отырған. Құжаттарға сәйкес, жұмыс 2021 жылдың 21 қыркүйегінде аяқталуы тиіс.