Brent маркалы мұнайдың наурыз айындағы фьючерстерінің бағасы барреліне 89 доллардан асты. Бұған Investing мәліметтері дәлел.
Соңғы рет мұнай бағасы мұндай деңгейге 2014 жылдың қазан айында жеткен.
Нұр-Сұлтан уақыты бойынша сағат 07:54-те баррельдің бағасы $89,02-ға жетті, кейін сәл төмендеді.
Осылайша, Нұр-Сұлтан уақытымен 08:13-тегі жағдай бойынша Brent маркалы мұнайдың наурыздағы фьючерстік келісімшартының бағасы 0,53%-ға өсіп, 88,97 долларды құрады. Солтүстік Американың WTI маркалы мұнайының наурыз фьючерстері 1,8%-ға өсіп, 86,36 долларды құрады.
Еске салайық, кеше Brent маркалы мұнай фьючерстерінің бағасы барреліне 87 доллардан жоғары көтерілді.
