Алғашқы төлемдер 2022 жылдың қыркүйегінде күтіледі
ҚР Білім және ғылым министрлігі халықаралық мектеп олимпиадаларының жеңімпаздарына 94 млн теңге бөлді. Бұл туралы Үкімет отырысында Білім және ғылым вице-министрі Шолпан Каринова мәлім етті.
Премьер-министр Әлихан Смайыловтың сауалына жауап берген ведомство өкілі мектеп оқушылары арасындағы алғашқы халықаралық жарыстар шілде-тамыз айларында жоспарланғанын түсіндірді.
«Қазір квоталар толығымен бекітілді, сіздердің қолдауларыңызбен 94 млн теңге бөлінді. 20 тамызға дейін бұл жұмыстар аяқталады, өйткені соңғы олимпиада 17 тамызда өтеді», – деді Каринова.
Олимпиада жеңімпаздарына сыйлықтар 2022 жылдың 1 қыркүйегіне дейін тапсырылады деп уәде етілген.
