Әлемдегі ең бай адамдар жыл басынан бері 1,4 триллион доллар жоғалтты

Бұл инфляциялық қысым мен орталық банктердің негізгі мөлшерлемелерді көтеруіне байланысты қаржы нарықтарындағы толқулар аясында болды

Үстіміздегі жылдың басынан бері әлемдегі ең бай 500 адамның байлығы 1,4 триллион долларға қысқарды, деп хабарлайды Интерфакс.

Сонымен қатар, 13 маусымда олардың байлығы Bloomberg миллиардерлер индексі бойынша 206 миллиард долларға қысқарды.

Capgemini World Wealth есебіне сәйкес, бұл динамика қаржы нарықтарындағы күшті өсіммен қатар әлемнің ең бай адамдарының саны 2020 жылмен салыстырғанда 8%-ға өскен өткен жылмен күрт ерекшеленеді. Солтүстік Америкада ең бай адамдардың саны 13%-ға өссе, Азияда өсу қарқыны небәрі 4,2%-ды құрап, Еуропа мен Солтүстік Америкадан артта қалды.

Сонымен бірге АҚШ, Жапония, Қытай және Германия ең көп ауқатты адамдар тұратын елдер ретінде өз позицияларын сақтап қалды – бұл әлемдік көрсеткіштің 64% дерлік.

Сонымен қатар, сарапшылар инвестицияланған активтері 30 миллион доллардан асатын ең бай адамдардың байлығы 2020 жылмен салыстырғанда 9,6 пайызға артқанын атап өтті.

Google News сайтында бізге жазылыңыз
Қатысты материалдар