Қазақстанда Республика күні қайта тойланады

Жарияланды (жаңартылды )

Тоқаев оның ұлттық мереке мәртебесін қалпына келтіруді тапсырды


Қазақстанда жаңа мереке – Республика күні пайда болады. Қазақстан президенті Қасым-Жомарт Тоқаев мерекені 25 қазанда тойлауды ұсынды.

Ол үшін Қазақстан мемлекеттік мерекелер мен атаулы күндердің тізіміне бірқатар өзгерістер енгізуі қажет.

«Ұлттық мереке мәртебесін Республика күніне қайтаруды ұсынамын», – деді Қасым-Жомарт Тоқаев Ұлттық Құрылтайдың бірінші отырысында сөйлеген сөзінде.

1990 жылы 25 қазанда Қазақстанның Тәуелсіздігі туралы Декларация қабылданды. Бұл құжатты қабылдауда Нұрсұлтан Назарбаев маңызды рөл атқарды, деді Тоқаев.

«Бұл еліміздің тәуелсіздігіне жасалған алғашқы қадам болды. Республика күні еліміздің мемлекеттілікке бағытталған тарихи қадамының символына айналуы тиіс. Әрине, Тәуелсіздік күнінің бастапқы мәні сақталады», – деді Тоқаев.

Бұл күн ұлттық мереке болып қала береді. Бірақ енді тәуелсіздікке сүбелі үлес қосқан халық батырларын еске алу күні ретінде аталып өтілмек. Ал Президент Республика күнін Қазақстандағы басты мемлекеттік мереке етуді ұсынып отыр.

Сондай-ақ оқыңыз