Алматы облысында автокөлік құралдарын 13,5 млрд. теңгеге алым төлемей бастапқы тіркеудің 2 329 фактісі анықталды

Алматы облысында шетелден алғашқы тіркеу үшін алым төлемей ауыр жүк көліктерін әкелудің көптеген фактілері, сондай-ақ мемлекеттік баж төлемей жоғары сұранысқа ие мемлекеттік нөмірлік белгілерді беру жағдайлары анықталды, бұл туралы Мемлекеттік кірістер комитетінде хабарланды.

Алматы облысының салық қызметкерлері Алматы облысының әкімшілік полиция басқармасын тексеру қорытындысы бойынша (2018-2021 жылдар кезеңінде) автокөлік құралдарын 13,5 млрд.теңгеге алым төлемей бастапқы тіркеудің 2 329 фактісі анықталды.

Үшінші елдерден әкелінетін автокөлік құралдары, атап айтқанда, Шығарылған жылы 7 жылдан асатын ершікті тартқыштар бастапқы есепке қою кезінде мөлшері 2 500 АЕК (2019 жылы – 6,3 млн.теңге, 2020 жылы – 6,9 млн. теңге, 2021 жылы – 7,3 млн. теңге) құрайтын алым төлемегені анықталды.

Сондай-ақ, мемлекеттік бажды төлемей жоғары сұранысқа ие мемлекеттік нөмірлік белгілерді берудің 450 фактісі анықталды, нәтижесінде бюджетке шығын 135,7 млн.теңгені құрады. Цифрлық және әріптік мәні бірдей нөмірлер үшін баж 174 000 теңгеден 872 900 теңгеге дейін өзгереді.

Бұл фактілер міндетті төлемдерді іс жүзінде төлемей қызметтерді алудың жүйелі тәсілін көрсетеді, бұл бюджеттің елеулі шығындарына алып келді.

Қазіргі уақытта әкімшілік полиция жоғарыда көрсетілген қызметтерді стандартты емес жолмен алған тұлғалардан түспеген алым мен баж сомаларын өндіріп алу бойынша іс-шаралар жүргізуде.

Тексеру материалдары кінәлі адамдар тобын анықтау және тиісті шешім қабылдау үшін құқық қорғау органдарына жіберілді.

Google News сайтында бізге жазылыңыз
Қатысты материалдар