Чехия қалаларында Украина туы алына бастады

iDNES: Чехияның кейбір қалаларындағы әкімшілік ғимараттардан Украина туын алып тастауды бұйырды

Чехияның бірқатар қалаларында жергілікті билік әкімшілік ғимараттардан Украина туын алып тастауды бұйырды. Бұл туралы Idnes басылымы хабарлайды.

Порталдағы ақпаратқа сәйкес, шешімдер бірнеше себептерге байланысты қабылданған, мысалы, кейбір қалаларда Украина туы тұрғындардың талап-тілегімен алынып тасталса, басқаларында бұл ағымдағы жөндеу жұмыстарына байланысты болған.

Начод қалалық әкімшілігінің баспасөз хатшысы Нина Адольфтың айтуынша, азаматтар муниципалитет ғимаратына Чехия туын ілуді талап еткен.

Чехияның Червены-Костелек қаласы билігінің өкілі Томаш Проуза жағдайға қатысты пікірін білдіріп, мемлекеттік рәміздерді ақылмен және фанатизмсіз пайдалану керектігін атап өтті. «Біз Украинада емес, Чехияда тұрамыз. Біз туды қайтаруға еш негіз көріп тұрған жоқпыз», – деді ол.

Оқу жылы аяқталған соң Колиндегі әкімшілік ғимараттардан да Украина туы алынып тасталды. Қалалық биліктің баспасөз хатшысы Дагмар Соукупова оны қайтаруды жоспарлап отырған жоқ.