Бұрынғы әлем чемпионы Головкин туралы өз ойын айтты

Вячеслав Сенченко: Бұл жекпе-жек екі қарсылас үшін қиын болмақ

Бұрынғы әлем чемпионы Вячеслав Сенченко Сауль «Канело» Альварестің (57-2-2, 39 КО) Геннадий Головкинмен (42-1-1, 37 КО) трилогиясы туралы айтып, текетіресте шешуші болатын факторларды атады, Бұл туралы fightnews.info хабарлады.

Жартылай жеңіл салмақтағы боксы бұл жекпе-жек екі қарсыласқа да қиын болатынына сенімді.

«Головкин соңғы жекпе-жегін мерзімінен бұрын аяқтады. Ол мықты, өте тәжірибелі боксшы. Альварес де өте тәжірибелі. Бұл күресте көптеген факторлар шешіледі. Бірақ олар үшін бұл жекпе-жек қиын болмақ», – деді Сенченко YouTube-тегі Two Sideways арнасына берген сұхбатында.

Еске салайық, 17 қыркүйекте Головкин мен Канело үшінші жекпе-жегін Лас-Вегастағы (АҚШ) алдыңғы екі жекпе-жек өткен T-Mobile аренасында өткізеді. Біріншісі (2017 ж.) тартысты тең аяқталса, екіншісінде (2018 ж.) мексикалық жеңіске жетті.

Google News сайтында бізге жазылыңыз
Қатысты материалдар