Өзіне сеніп тапсырылған елу шақты малды сатып жіберген қойшы ұсталды

Жалпы шығын көлемі 3 млн-ға жуық

Жамбыл облысында қойшы өзіне сеніп тапсырылған елу шақты малды сатып жіберген, – деп хабарлайды Polisia.kz сайты.

Меркі аудандық полиция бөліміне осы ауданның 39 жастағы тұрғыны қойшысының сеніп тапсырылған 47 бас малын сатып жібергені туралы арызданған.

Жалпы шығын көлемі 2 820 000 теңгені құрайды.

Полиция қызметкерлерімен жүргізілген жедел-іздестіру жұмыстарының нәтижесінде Меркі ауданының 31 жастағы тұрғыны анықталып, полиция бөліміне жеткізілді. Малшы жеке басына қаржы қажеттілігіне байланысты сатып жібергендігін айтты.

Күдікті кінәсін толық мойындады.

Google News сайтында бізге жазылыңыз
Қатысты материалдар