18 жастағы алаяқ «Krisha KZ» арқылы талай адамды сазға отырғызған

Нұр-Сұлтанда алаяқ өзін жылжымайтын мүлік агенті ретінде таныстырып, пәтер алғысы келетіндерге Телеграмм арнасындағы сілтемелерді сатқан

18 жастағы елордалық «Krisha KZ» жылжымайтын мүлік порталында үш ай бойы елордадағы пәтерлерді жалға беру туралы жалған хабарландырулар орналастырғаны анықталды. Жарнамаларында ол нарықтық бағадан төмен баға қойған.

Пәтерді жалға алғысы келетіндерге ол алдын-ала төлем жасағаны үшін телеграм каналында мекен-жайы мен пәтер иелерінің телефон нөмірлері бар сілтемелерді сатып алуды ұсынған. Кейіннен сілтеме жарамсыз екені және ақшаны қайтару мүмкін емес екендігі анықталды.

Күдікті клиенттерден мобильді аударым арқылы 5-тен 10 мың теңгеге дейінгі мөлшерде алдын ала төлем алған.

Мәселен, ағымдағы жылдың тамыз айында «Байқоңыр» ауданының Полиция басқармасына қала тұрғыны жүгініп, «Кrisha.kz» қосымшасы арқылы пәтерді жалға беру сылтауымен алаяқ одан 7 мың теңге алғанын хабарлаған. Жәбірленуші ақшаны картаға аударған. 

Сотқа дейінгі тергеп-тексеру барысында күдіктіге ҚР ҚК 190-бабы 2-бөлігі бойынша алаяқтықтың 14 эпизодына қатысты кінәсі дәлелденді. Қазіргі уақытта басқа да жәбірленушілер анықталуда. 

Нұр-Сұлтан қаласының Полиция департаменті азаматтарға Қылмыстық кодекстің аталған қылмыс үшін санкциясы 4 жылға дейін бас бостандығынан айыруды, мүлкін тәркілеуді қарастыратынын ЕСКЕРТЕДІ.

 Ақпарат Нұр-Сұлтан қаласы ПД Баспасөз қызметінен алынды

Google News сайтында бізге жазылыңыз
Қатысты материалдар
Қазақстанда ішкі көші-қонды ынталандырудың жаңа шаралары енгізіледі
Мемлекет басшысы Қасым-Жомарт Тоқаевтың биылғы 1 қыркүйектегі Қазақстан халқына Жолдауында еліміздің көші-қон саясатының тиімділігін арттыру бойынша жаңа шаралар пакеті ұсынылды. Оларды іске асыру мақсатында көші-қон саясатының алдағы 5 жылға арналған жаңа тұжырымдамасы шеңберінде ішкі көші-қонды ынталандыруға бағытталған бірқатар шаралар көзделетін болады.
Қазақстанда ішкі көші-қонды ынталандырудың жаңа шаралары енгізіледі
Қазір оқуда