Полицейлер интернет алаяқтарының тағы көбейгендігін хабарлады

Елордалық полицейлер интернет-алаяқтықтың кең таралған тәсілдерін еске салып, кеңес береді

Жыл басынан бері Нұр-Сұлтан қаласы бойынша 2788 интернет-алаяқтық оқиғасы тіркелген.

Интернеттегі алаяқтықтың ең көп таралған тәсілдері:

* интернет-хабарландыру арқылы тауар немесе қызмет үшін алдын ала төлем немесе толық төлем алу;

* пластикалық карта шоттарынан ақша ұрлау;

* әр түрлі жобаларға, ойындарға, инвестицияларға, ұтыстарға және т. б. ақша салу;

* азаматтардың жеке деректерін иеленуге арналған фишингтік сілтемелерді пайдалану.

Алаяқтардың тұзағына түсіп қалмау үшін Нұр-Сұлтан қаласының Полиция департаменті кеңес береді.

Біріншіден, ешкімге жеке мәліметтерін, пластикалық карталардың деректемелерін, аударым түбіртектерін, әсіресе кодтар мен код сөздерін, тіпті банк, полиция қызметкерлері және т. б. ұсынатын адамдарға жіберудің қажеті жоқ.

Екіншіден, сіз жеке деректерді белгісіз және тексерілмеген сайттарға және басқа деректеріне сенуге болмайды. Тексерусіз алдын-ала төлем жасаудың қажеті жоқ, тауарды алғаннан кейін төлем туралы келісу керек.

Үшіншіден, күмәнді мәмілелер бойынша ақша аударымдарын жасамау керек, ашық табыс көзі жоқ қаржылық схемалардан сақ болу керек .

«Қосымшаларды орнату үшін тек App store, Play market және т.б. ресми дереккөздерін пайдалану қажет. Төлем үшін белгісіз контактілерден немесе қалқымалы терезелерден жіберілген сілтемелерді басу қажет емес. Көбінесе алаяқтар фишингтік болып табылатын сілтемені басу арқылы төлеуді ұсынады. Сондай-ақ банктік қызметтерге қол жеткізу үшін құпия сөздерді үнемі өзгертіп отыру, 3D қорғанысын және банктер ұсынатын басқа да қауіпсіздік шараларын пайдалану қажет. Қазақстандықтарға өз шоттарындағы ақшаны жиі тексеруге кеңес береміз. Мұндай шаралар алаяқтықтан аулақ болуға және ақшаңызды үнемдеуге көмектеседі.

Google News сайтында бізге жазылыңыз
Қатысты материалдар
SMS арқылы рәсімдеуге болатын қызметтер саны артты
«Азаматтарға арналған үкімет» мемлекеттік корпорациясы SMS-хабарлама арқылы 45 мемлекеттік қызметтің нәтижесі туралы хабарлайтын жаңа сервисті іске қосты. Енді клиенттер қызметтің нәтижесін білу үшін ХҚО-ға екінші рет бармайтын болады.
Қазір оқуда