Парақор шенеуніктер. Қай министрлікте сыбайлас жемқорлық тамыр жайған?

Басым бөлігі пара алу кезінде ұсталған

Биыл қаңтар–тамыз айларынында түрлі министрліктердің 111 қызметкері сыбайлас жемқорлық қылмысы бойынша ұсталған, көрсеткіш бір жыл бұрынғыдан 20,7% артық.

Ranking.kz жазуынша, сыбайлас жемқорлық әсіресе Қаржы министрлігінде тамыр жайған. 9 ай ішінде бұл министрліктің 33 қызметкері жемқорлық бойынша ұсталған. Бір жыл бұрын 31 адам сыбайлас жемқорлыққа барған.

Одан кейін ҚР Қорғаныс министрлігі (22 адам, 83,3% көбейген), Ауыл шаруашылығы министрлігі (16 адам, 23,1% көбейген) және Индустрия және инфрақұрылымдық даму министрлігі (16 адам, бірден 5,3 есе көбейген) келеді.

Жемқорлық жасаған қылмыскерлердің ішінде 102 қызметкер ауыр қылмыс, 4 адам орташа ауырлықтағы қылмыс және тағы 4 адам ауыр емес қылмыс, 1 адам аса ауыр қылмыс жасаған.

Министрліктегі құқық бұзушылардың 69,4%-ы, яғни 77 адам пара алу кезінде ұсталған. Тағы 14 адам сыбайлас жемқорлыққа барды, 7 адам қызмет бабын асыра пайдаланды, 6 адам пара берді, 5 адам сеніп тапсырылған бөтен мүлікті иемдену немесе жымқыру фактісі бойынша ұсталған.

Өңірлер бойынша сыбайлас жемқорлық құқық бұзушылық жасаған министрлік қызметкерлерінің басым бөлігі Алматы қаласынан: 23 адам. Одан кейін Шымкент қаласы (12 адам, 4 есе көбейген) және Алматы облысының (10 адам, 9,1% азайған) шенеуніктері келеді.

Google News сайтында бізге жазылыңыз
Қатысты материалдар
Мерзімді әскери қызметін өтегендерге жоғары білім алуға жеңілдік берілетін болады
Қорғаныс министрлігі Ғылым және жоғары білім министрлігімен, сондай-ақ еліміздің жетекші жоғары оқу орындарымен бірлесіп, азаматтардың мерзімді әскери қызметін өтеуге ынтасын арттыру мақсатында жаңа жоба бастауды көздеп отыр.