Елімізде аптасына 41 сағаттан артық жұмыс істейтіндер саны азайды

Тұрғындар 8 сағаттық жұмыс кестесін өзгерткісі келеді

Биылғы жылдың екінші тоқсанында ҚР-да 8,8 млн адам жұмыспен қамтылды, бұл бір жыл бұрынғыдан 0,3% артық. Жұмыспен қамтылғандардың көпшілігі стандартты кесте бойынша жұмыс істейді, яғни негізгі жұмыста аптасына 36–40 сағат нақты жұмыс істейді, олардың саны 6,8 млн адам, көрсеткіш былтырғыдан 2,8% көп.

Жылдың екінші тоқсанында аптасына 41 сағаттан астам жұмыс істейтін қызметкерлердің саны өткен жылдың сәйкес кезеңімен салыстырғанда 10,7% азайып, 1,3 млн адамды құрады. Уақытша жұмыссыздар саны бір жылда 17% өсіп, 157,7 мың адам болды.

Қазақстанда орташа жұмыс уақыты аптасына 38 сағатты құрайды. 15 жастағы жұмыс істейтіндер үшін бұл көрсеткіш аптасына 12 сағатты, 16–24 жас аралығындағы жастар үшін 38 сағатты, 25–54 жастағы қазақстандықтар үшін 39 сағатты, 55–64 жастағы азаматтар үшін 36 сағатты, 65 жастан асқан жұмыс істейтін зейнеткерлер үшін 19 сағатты құрайды.

Аптасына 5 сағаттан аз жұмыс істейтін жұмыспен қамтылғандардың басым бөлігі көтерме және бөлшек сауда; автомобильдер мен мотоциклдерді жөндеу саласына тиесілі: 544 адам.

Өз кезегінде, аптасына 41 сағаттан астам жұмыс істейтін мәжбүрлі «еңбекқорлардың» көбі көтерме және бөлшек саудада және автокөлік жөндеуде, сондай-ақ құрылыс пен көлік-логистикалық сегментте жұмысқа орналасқан. Осындай жүктемесі ең аздар өнер, ойын-сауық және демалыс салаларында.

Аптасына 36–40 сағатты құрайтын стандартты жұмыс кестесі бар жұмысшылардың басым бөлігі сауда, білім беру және агробизнес саласында болса, сумен жабдықтау, кәріз және қоқыс шығару секторларында мұндай жұмыскерлер аз.

Мамандықтар тұрғысында аптасына 5 сағаттан аз жұмыс істейтіндердің көпшілігі басшылар мен мемлекеттік қызметшілер (544 адам), техниктер және басқа да көмекші кәсіби мамандар (500 адам), сондай-ақ агроөнеркәсіптік кешендегі шаруалар мен жұмысшылар (313 адам).

Google News сайтында бізге жазылыңыз
Қатысты материалдар