Енді Қазақстан пайдаланушылары үшін Kaspersky Who Calls қолжетімді

Бұл спамнан және телефон алаяқтығынан сенімді қорғаныс

«Kaspersky» Қазақстан нарығында кіріс қоңыраулардың нөмірлерін анықтауға, сондай-ақ телефон спамымен және алаяқтықпен күресуге мүмкіндік беретін  Kaspersky Who Calls қосымшасын ұсынды. Бағдарлама смартфон иелеріне белгісіз нөмірлерден кім қоңырау шалып жатқанын түсінуге көмектеседі: банк, жеткізу қызметі немесе басқа біреу ма.

Шешімге машиналық оқыту алгоритмдері енгізілген. Олардың көмегімен бағдарлама спамерлер мен ықтимал алаяқтарды анықтайды. Сонымен қатар, адамдар спамерлердің дерекқорына күдікті нөмірлерді өздері қоса алады. Kaspersky Who Calls-те белгісіз қоңырауларды анықтау үшін абонентке телефон нөмірі мен байланыс деректемелерінің тізімін көрсетудің қажеті жоқ: қосымша пайдаланушылардың деректерін жүктемейді және жарияламайды.

Өңірде телефон алаяқтық мәселесі және спам  өзекті мәселе болып табылады. «Kaspersky»-дің мәліметтері бойынша, 2022 жылдың қыркүйегінде қазақстандық пайдаланушылардың 50% – ы телефон спамына тап болды*.

Қазақстанда шыққан кезде Kaspersky Who Calls үш нұсқада ұсынылған: тегін нұсқа,  сынақ кезеңінің бірінші айы тегін айлық жазылым, сондай-ақ сынақ кезеңінің үш айы тегін жылдықжазылым. Қолданбаның негізгі функционалдығы, атап айтқанда алаяқтық қоңыраулар мен спамдарды анықтау тегін нұсқада қол жетімді. Ақылы нұсқада көбірек мүмкіндіктер бар. Атап айтқанда, қажетсіз кіріс нөмірлерін санаттар бойынша блоктау мүмкіндігі бар, пайдаланушылар қолданбадағы жарнамаларды көрмейді және ұйымның атауы мен санатының егжей-тегжейлері iOS құрылғыларының иелері үшін қолжетімді болады.

«Біз өңірде өзекті мәселенің сенімді және ыңғайлы шешімі қолжетімді болатынына қуаныштымыз. Бұл ретте Kaspersky Who Calls қосымшасы тек жеке пайдаланушыларға ғана емес, сонымен қатар мобильді операторларға, банктер мен сақтандыру компанияларына да арналғанын атап кеткен жөн. Біздің шешіміміз жеке қосымша ретінде де, бағдарламалық қамтуды әзірлеу жинағы (SDK) ретінде де қол жетімді. Оны ірі компанияның жеке қосымшасына біріктіруге болады және сәйкесінше пайдаланушыларға кіріктірілген жетілдірілген нөмір детерминантын ұсынуға болады», — деп түсіндірді «Kaspersky»-дің Қазақстандағы, Орта Азиядағы және Моңғолиядағы коммерциялық директоры Валерий Зубанов.

Қолданбаны App Store, Google Play және AppGallery дүкендерінен жүктеуге болады. Ай сайынғы жазылым 599 теңге, бірінші рет пайдаланған кезде жылдық жазылым 2990 теңге, бұдан әрі — 5990 теңге тұрады.  

Google News сайтында бізге жазылыңыз
Қатысты материалдар
Қазір оқуда