Кувейттен Түркістанға жаңа рейс іске қосылады

Ағымдағы жылдың 3 желтоқсанынан бастап

ҚР ИИДМ Азаматтық авиация комитеті рейстер санын одан әрі ұлғайту және Қазақстанға/одан ұшу географиясын кеңейту бойынша жұмыс жүргізуде. Бұл туралы ҚР ИИДМ баспасөз қызметі хабарлады.

Қазақстан Республикасы мен Кувейт мемлекетінің авиациялық билігі арасындағы қол жеткізілген уағдаластықтар негізінде «Jazeera Airways» Кувейт лоукостері ағымдағы жылдың 3 желтоқсанынан бастап Кувейт – Түркістан бағыты бойынша ұшуларды орындауды бастауды жоспарлап отыр.

Кувейт астанасы мен түркі әлемінің рухани орталығы арасындағы тұрақты жолаушылар рейстері сейсенбі және жексенбі күндері Airbus A-320 типті әуе кемесінде аптасына 2 рейс жиілігімен орындалатын болады.

Рейстер санының ұлғаюы және ұшу географиясының кеңеюі Қазақстан мен Кувейт арасындағы сауда-экономикалық, іскерлік, инвестициялық, мәдени және туристік өзара қарым-қатынастардың одан әрі дамуына ықпал ететін болады.

Google News сайтында бізге жазылыңыз
Қатысты материалдар
Қазір оқуда