24 тоннаға жуық алкогольді сатуға әрекеттенген заң бұзушы сотталды

Тәркіленген сұйықтықтың жалпы құны 27,5 млн теңгеден асады

ҚМА Ақмола облысы бойынша департаменті алкоголь өнімдерін өткізу мақсатында заңсыз сатып алу, сондай-ақ заңсыз кәсіпкерлік қызметті жүзеге асыру фактілері бойынша сотқа дейінгі тергеуді аяқтады. Бұл туралы ҚР ҚМА Баспасөз қызметі хабарлады.

Оқиға болған жерді қарау кезінде автокөлік тіркемесінен спирті бар сұйықтық толтырылған әрқайсысының көлемі 1000 литр болатын 24 пластик ыдыс табылды.

Ақмола облысы бойынша Мемлекеттік кірістер Департаментінің қорытындысына сәйкес, тәркіленген құрамында спирті бар сұйықтықтың жалпы құны 27,5 миллион теңгеден асады.

Сот үкімі Батжановқа А.Т. қылмыстық жолмен табылған мүлкі тәркіленіп, 1 жылға бас бостандығын шектеу жазасы тағайындалды.

Google News сайтында бізге жазылыңыз
Қатысты материалдар
Қазір оқуда