БҰҰ: Әйелдер мен қыздарды үйде өлтіру қаупі артып келеді

БҰҰ мәліметтері бойынша өткен жылы әлемде 81 100-ге жуық әйел мен қыз қылмыстың құрбаны болды

2021 жылы әрбір сағат сайын орта есеппен бестен астам әйел немесе қыз отбасы мүшелерінің қолынан қаза тапты. Бұған Біріккен Ұлттар Ұйымының Есірткі және қылмыс жөніндегі басқармасы мен БҰҰ Әйелдер ұйымы жүргізген жаңа зерттеу деректері дәлел.

25 қараша әйелдерге қатысты зорлық-зомбылықты жоюдың халықаралық күні. Әйелдер мен қыздарға қатысты зорлық-зомбылық бүкіл әлемде адам құқықтарын бұзудың ең кең таралған түрлерінің бірі болып қала беретінінің жан түршігерлік айғағы болып табылады.

Біріккен Ұлттар Ұйымының мәліметі бойынша өткен жылы әлемде шамамен 81 100 әйел мен қыз өлтірілген.

Өткен жылы қасақана өлтірудің құрбаны болған барлық әйелдер мен қыздардың шамамен 56 пайызы серіктестері немесе басқа отбасы мүшелері (81 000-нан 45 000) өлтірген.

Есепке сәйкес, ерлі-зайыптылар немесе басқа отбасы мүшелері жасаған 45 000 әйелді өлтірудің 17 800-і Азияда, 17 200-і Африкада тіркелген.

2010 және 2021 жылдар аралығында Еуропада ерлі-зайыптылар, серіктестер немесе отбасы мүшелері жасаған әйелдерге қарсы кісі өлтіру 19 пайызға азайып, Америкада 6 пайызға өсті.

Google News сайтында бізге жазылыңыз
Қатысты материалдар
Қазір оқуда