Елімізде мектептердің 96,7% интернет желісіне қосылған

Жарияланды
Мектептердің жалпы 67,1%-ы заманауи жабдықтармен жабдықталған

2021 жылдың қорытындысы бойынша Қазақстанда мектептердің 96,7%-ы 4 мбит/с және одан жоғары жылдамдығы бар интернетпен қамтамасыз етілген. Бұл туралы Ұлттық статистика бюросы хабарлады.

Сонымен қатар еліміздің барлық мектебі ауыз судың негізгі көздеріне қосылған және қажет деген жабдықтары бар бөлек дәретханалармен қамтылған (мектептің ішінде және сыртында).

Жылы дәретханалар мектептердің 78,4 пайызында ғана бар, білім беру мекемесінің 1 пайызында дәретханалар сыртта орналасқан.
Мектептердің жалпы санының 2/3 немесе 67,1%-ы заманауи жабдықтармен және модификацияланған оқу кабинеттерімен жабдықталған.

Айта кетейік, 2021-2022 оқу жылында Қазақстанда жалпы білім беретін мектептердің саны 7 550 бірлікті құрады, оның 69,6%-ы ауылды жерде орналасқан

Сондай-ақ оқыңыз