Ауғанстанда үкіметтік емес ұйымдар жұмысын тоқтатады

Ауғанстандағы төрт ірі гуманитарлық ұйым өз қызметін тоқтатты. Олар мұндай шешімді Талибан әйелдердің елде үкіметтік емес ұйымдарда жұмыс істеуіне тыйым салған соң қабылдады. Бұл туралы ru.euronews хабарлады.

Халықаралық көмек агенттіктерінің өкілдері бұл азық-түлік пен экономикалық дағдарыс жағдайында халық үшін апат болатынын ескертті.

«Біз Талибан билігін мүмкіндігінше тезірек бұл шешімнен бас тартуға шақырамыз»-деді, Норвегияның Ауғанстандағы босқындар кеңесінің директоры Нил Тернер.