5 жасар баланың арқасында інілері құтқарылды

Ол үйде күйік иісі бар екенін полицияға хабарлаған

5 қаңтарда сағат 16: 58-де «112» пультіне 5 жасар баладан қоңырау келіп түсті, ол жеке үйде күйік иісі бар екенін хабарлады. Бұл туралы Абай облысы ТЖД баспасөз қызметі хабарлады.

Оқиға орнына дереу құтқарушылар бригадасы шығып, 102 және 103 қызметтері жіберілді.

Осы уақытта Семей қаласының КҚЖБО диспетчерлері азаматтық қорғау старшинасы А. Аринова мен азаматтық қорғау лейтенанты Н.Тойымбаева бейнебайланыс арқылы баламен байланысқа шықты. Ашық жануы жоқ екеніне көз жеткізіп, балаларға психологиялық көмек көрсетті,  және де бөлмелерді желдету үшін баланы терезе ашуды өтінді.

Құтқарушылар оқиға орнына келгеннен кейін жас балалардың жеке үйде бұғатталғаны және жанудың иісі бар екендігі белгілі болды.

МӨС-1 қызметкерлері шанц құралдарының көмегімен алдыңғы есіктің құлпын бөлшектеп, балаларды жедел медициналық жәрдем дәрігерлеріне тапсырды.

Балаларды дәрігерлер қарағаннан кейін Семей қаласындағы балалар ауруханасына алып кетуге тура келді, жеңіл көміртегі тотығымен уланудың алдын-ала диагнозы қойылды, қазіргі уақытта балалардың жағдайы қанағаттандырарлық.

Google News сайтында бізге жазылыңыз
Қатысты материалдар