Қазақстанда тіс дәрігерлері 32 миллиард теңгеден астам сомаға кызмет көрсетті

2022 жылдың үшінші тоқсанында

2022 жылдың үшінші тоқсанында еліміздің тіс дәрігерлері 32 миллиард теңгеден астам сомаға кызмет көрсетті. Бұл туралы Ұлттық статистика бюросы хабарлады.

Қызметтердің негізгі көлемі, яғни 5,5 миллиард теңгеден астамы бюджет қаражаты есебінен, 23 миллиарды – халықтан түскен қаражат және 3,3 миллиардтан астамы – кәсіпорындардың қаражаты есебінен орындалды.

Өңірлік тұрғыда қызметтің ең көп көлемі Алматы қаласында көрсетілді – 8,7 млрд теңгеге. Алғашқы үштікке сондай-ақ елорда (7,1 млрд теңге) мен Шығыс Қазақстан облысы (1,3 млрд теңге) енді. Ең аз қызмет Түркістан облысында көрсетілген – 336 508 мың теңге.

Google News сайтында бізге жазылыңыз
Қатысты материалдар