Иранда тағы үш адам өлім жазасына кесілді
Жарияланды
Үкіметке қарсы шеруге шыққаны үшін
Иранда былтыр қыркүйек айынан бері билікке қарсы наразылық жалғасып келеді. Оған Махса Амини есімді 22 жастағы студент қыздың әдеп полициясы қолынан қаза табуы түрткі болды. Халық елдегі саяси жүйені өзгертіп, әйел құқықтарын сақтауды талап етуде,деп хабарлайды «Хабар 24».
Елде тағы үш азамат өлім жазасына кесілді. Жергілікті ақпарат құралдарының хабарлауынша, бұл азаматтар Исфахан қаласында «Басидж» деп аталатын еріктілерден құралған жасақ мүшелерін өлтірді деген күдікке іліккен.
