Қарағандыдағы әуежайға авиаотынды қымбаттатып сатқаны үшін айыппұл салынды. Бұл туралы astanatv.kz сайты хабарлады.
Бәсекелестікті қорғау және дамыту агенттігі баспасөз қызметінің ақпараты бойынша, Қарағанды облысы департаменті жүргізген тергеп-тексеру нәтижелері бойынша іс қозғаған. Қарағанды Әкімшілік құқықбұзушылық жөніндегі мамандандырылған ауданаралық сотының қаулысымен «Сары-Арқа» әуежайы» АҚ әкімшілік жауапкершілікке тартылып, 50 миллион теңге мөлшерінде монополиялық табысы тәркіленді. 31 миллион теңге мөлшерінде әкімшілік айыппұл салынды.
