Атырауда 3,5 мың литрге жуық заңсыз алкоголь өнімдері тәркіленді

Жарияланды

Атыраулық полицейлер 3,5 мың литрге жуық заңсыз алкоголь өнімдерін тәркіледі, – деп хабарлайды Polisia.kz сайты.

Фото:POLISIA.KZ

Атырау облысы полиция департаментінің ұйымдасқан қылмысқа қарсы күрес басқармасының қызметкерлері жедел-іздестіру іс-шаралары кезінде Жылыой ауданы Құлсары қаласында орналасқан қоймалардың бірінен алкогольдік спирттік өнімдерін заңсыз сақтаған тұлғаны анықтаған. Қала аумағындағы қойманы тексеру кезінде 3,194 литрды құрайтын 6600-ден астам шыны бөтелкеге құйылған жалпы құны 7 млн теңгеге жуық арақ өнімдері табылды. Аталған қылмысқа қатысты 51 жастағы күдікті анықталып, ұсталды.

Қазіргі уақытта аталған дерек бойынша ҚР ҚК-нің 233-бабының 2-бөлігімен (Акцизделетiн тауарларды сәйкестендіру құралдарымен және (немесе) есепке алу-бақылау маркаларымен таңбалаудың тәртiбi мен қағидаларын бұзу, сәйкестендіру құралдарын және (немесе) есепке алу-бақылау маркаларын қолдан жасау және пайдалану) қылмыстық іс қозғалып, сотқа дейінгі тергеп-тексеру амалдары жүргізіліп жатыр.

Сондай-ақ оқыңыз