Енді банк деректемелерін онлайн өзгертуге болады
Жарияланды
![](https://kz.kursiv.media/wp-content/uploads/2023/03/img_8256-1024x615.jpg)
Жеке кабинетте банк деректемелерін өзгертуге өтініш беру мүмкіндігі пайда болды. БЖЗҚ сайтында қызметті пайдалану үшін Жеке кабинетіңіздегі «Қызметтер» бөліміне өтіп, «Деректемелерге/банк деректемелеріне өзгертулер және (немесе) толықтырулар енгізу» таңдаңыз. Бұл туралы БЖЗҚ баспасөз қызметі хабарлады.
Өтініш беру 3 кезеңнен тұрады:
Жеке зейнетақы шотын таңдаңыз;
«Төлемдер» бөлімінде зейнетақы төлемінің түрі, аймақ, төлем түрі, кезеңділігін көрсетіңіз;
Соңғы өріске бұрынғы және жаңа банк деректемелерін енгізіп, ЭЦҚ арқылы қол қойыңыз.
Банк деректемелерін сәтті өзгерткеннен кейін «Менің төлемдер/аударымдар бойынша өтініштерім» қызметінде «Банк деректемелерін өзгертуге өтініш» көрсетіледі.