Мәжіліс сайлауының қорытындысы жарияланды. Партиялар қанша мандатқа ие болды?

Орталық сайлау комиссиясы Мәжіліс сайлауының нақты қорытындысын жариялады.

ОСК төрағасы Нұрлан Әбдіров партиялардың қанша дауыс жинағанын және Мәжілістен қанша мандат иеленетінін мәлім етті. Оның айтуынша, нәтиже төмендегідей:
Amanat партиясы – 53,90% (40 орын);
«Ауыл» партиясы – 10,90% (8 орын);
Respublica партиясы – 8,59% (6 орын);
Қазақстан халық партиясы – 6,80% (5 орын);
«Байтақ» жасылдар партиясы – 2,30% (Мәжіліске өтпеді);
«Ақ жол» партиясы – 8,41% (6 орын);
Жалпыұлттық социал-демократиялық партиясы – 5,20% (4 орын).

Сонымен қатар, сайлаушылардың 3,90%-ығ яғни 248 291-і бәріне қарсы дауыс берген. Барлық дауыс бергендер саны – 6 366 441.

19 наурыз күні елімізде Мәжіліс және Мәслихат депутаттарын сайлау өткені белгілі. Оған саййлаушылардың 54,19 пайызы дауыс берген еді. Бұдан бұрын сайлаудың алдын ала нәтижесін жариялады. Оған сәйкес, Мәжіліске 5 пайыздан көп дауыс жинаған алты партия өткені хабарланған болатын.