Астанада мемлекеттік айыптаушы Назарбаевтың экс-келіні Гүлмира Сатыбалдыны 8 жылға бас бостандығынан айыруды сұрады.
Мемлекеттік айыптаушы Азамат Сәрсенбаев бірнеше бап бойынша айыпталған Гүлмира Сатыбалдыны мүлкін тәркілемей, 8 жылға бас бостандығынан айыруды ссұрады.
«Гүлмира Сатыбалдыны қылмыстық кодекстің 389-бабы 4-бөлігі, 28-бабы 3-бөлігі бойынша кінәлі деп танып, мүлкін тәркілемей, 8 жылға бас бостандығынан айыруды сұраймын», – деді прокурор Сәрсенбаев.
Сондай-ақ мемлекеттік айыптаушы Гүлмира Сатыбалдының қауіпсіздігі орташа қылмыстық-атқару жүйесі мекемесінде жазасын өтеуін сұрады.
«Мемлекет басшысына Гүлмира Сатыбалдыны “Құрмет» мемлекеттік наградасынан айыру туралы ұсыныс енгізілсін”, – деді прокурор.
