2024 жылы қазақстандықтар Токиоға ұша алады – Air Astana

2024 жылдан бастап Қазақстан азаматтары Токио мен Сингапурға тікелей ұша алады. Бұл туралы Air Astana әуе компаниясының президенті Питер Фостер хабарлады.

Оның айутынша, қазір Air Astana мен Fly Arystan 65-тен аса рейсті орындап отыр.

«Индустрия және инфрақұрылымдық даму министрі айтқандай, өткен аптада Анкараға рейс аштық. Сондай-ақ Шымкент пен Нью-Дели арасында әуе рейсін (Fly Arystan) іске қостық. Биыл Астана – Доха (Fly Arystan) бағыты, күзде Air Astana Алматы мен Тель-Авив арасында рейс, ал қазанда Алматы – Джидда әуе рейсі ашылады», – Питер Фостер Үкімет отырысынан кейін.

Сондай-ақ әуе компаниясының басшысы қазақстандықтар Жапония астанасына тікелей ұша алатынын жеткізді. Алайда ол қай қаладан ұшуға болатынын нақтыламады

«2024 жылдың наурызында Токиоға және Куала-Лумпур мен Сингапурға әуе рейстерін ашуды жоспарлап отырмыз. Куала-Лумпур бұл рейстердің ол жаққа қайта ұшуы болып саналады. Біз үшін Сингапур – жаңа рейс. Келесі жылы белсенділік жоғары болады», – деді Air Astana президенті.

Сонымен қатар жыл соңына дейін елімізде жаңадан 9 халықаралық әуе рейсі ашылады.

Үкімет отырысында ИИДМ министрі Марат Қарабаев елімізде әуе отыны жетіспейтінін және Ресейден импорттауға тура келетінін айтты.